Bhai Dalbir Singh Ji, Became the First Member of Sikh Harmony Dal

ਗੁਰਦੁਆਰਾ, ਗੁਰੂ ਦਾ ਘਰ, ਸਿੱਖਾਂ ਦਾ ਧਾਰਮਿਕ ਅਸਥਾਨ- ਉਹ ਅਹਿਲੇ-ਮੁਕਾਮ, ਜਿੱਥੇ ਅਹਿਲੇ-ਕਲਾਮ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਪ੍ਰਕਾਸ਼ਮਾਨ ਹਨ ਅਤੇ ਅਹਿਲੇ-ਨਿਜ਼ਾਮ ਖ਼ਾਲਸਾ ਪੰਥ ਹੈ, ਜਿਸ ਨੂੰ ਦਸ ਗੁਰੂ ਸਾਹਿਬਾਨ ਵਲੋਂ ਅਣਥੱਕ ਘਾਲਣਾ ਘਾਲ, ਕੁਰਬਾਨੀਆਂ ਕਰਕੇ, ਪਾਏ ਵਡਮੁੱਲੇ ਯੋਗਦਾਨ ਸਦਕਾ ਮਨੁੱਖਤਾ ਦੇ ਭਲੇ ਹਿੱਤ ਧਰਮ ਦੇ ਪ੍ਰਚਾਰ ਅਤੇ ਪ੍ਰਸਾਰ ਲਈ ਹੋਂਦ ਵਿਚ ਲਿਆਂਦਾ ਗਿਆ ਤਾਂ ਕਿ ਸਦੀਆਂ ਤੋਂ ਪਿਤਾ ਪੁਰਖੀ ਪਰੰਪਰਾਵਾਦੀ ਕਾਬਜ਼ ਲੋਕਾਂ ਦੇ ਜਬਰ ਜ਼ੁਲਮ ਦਾ ਸ਼ਿਕਾਰ ਸਤਾਈ ਹੋਈ ਲੋਕਾਈ ਵੀ ਧਾਰਮਿਕ, ਸਮਾਜਿਕ, ਰਾਜਨੀਤਕ ਅਤੇ ਆਰਥਿਕ ਤੌਰ 'ਤੇ ਸਦੀਵ ਕਾਲ ਮਨੁੱਖਤਾ ਦੇ ਖੇਮੇ 'ਚ ਆਜ਼ਾਦ ਫ਼ਿਜ਼ਾ ਦਾ ਨਿੱਘ ਮਾਣਦੀ ਰਹੇ।

ਗੁਰਦੁਆਰਾ, ਹਿੰਦੂ, ਮੁਸਲਮਾਨ, ਸਿੱਖ, ਇਸਾਈ, ਜੈਨੀ, ਬੋਧੀ, ਪਾਰਸੀ, ਸਭ ਵਾਸਤੇ ਸਰਬ-ਸਾਂਝੀਵਾਲਤਾ ਦਾ ਪ੍ਰਤੀਕ, ਸਮੁੱਚੀ ਮਾਨਵਤਾ ਦਾ ਕਲਿਆਣਕਾਰੀ ਹੈ। ਵਿਦਿਆਰਥੀ ਲਈ ਸਕੂਲ, ਆਤਮ ਜਗਿਆਸਾ ਵਾਲਿਆਂ ਲਈ ਗਿਆਨ ਉਪਦੇਸ਼ਕ ਆਚਾਰਯ ਹੈ। ਭੁੱਖਿਆਂ ਲਈ ਅੰਨ ਪੂਰਣਾ, ਬਿਮਾਰ ਲਈ ਦਵਾਖਾਨਾ, ਮੁਸਾਫ਼ਰ ਲਈ ਵਿਸ਼ਰਾਮਘਰ, ਇਸਤਰੀ ਜਾਤੀ ਲਈ ਪੱਤ ਰੱਖਣ ਲਈ ਲੋਹਮਈ ਦੁਰਗ ਖ਼ਾਲਸਾ, ਦਰ ਆਏ ਸਵਾਲੀ ਤੇ ਲੋੜਵੰਦ ਲਈ ਮਦਦਗਾਰ, ਜ਼ਾਲਮ ਲਈ ਤਲਵਾਰ, ਜ਼ੁਲਮ ਲਈ ਵੰਗਾਰ ਅਤੇ ਮਜ਼ਲੂਮ ਲਈ ਪਹਿਰੇਦਾਰ ਹੈ।

ਸਤਿਗੁਰਾਂ ਵੇਲੇ ਜਾਂ ਬੁੱਢਾ ਦਲ ਸਮੇਂ ਗੁਰੂ-ਘਰਾਂ ਦੀ ਸੇਵਾ ਦਾ ਖ਼ਾਸ ਖਿਆਲ ਰੱਖਦਿਆਂ ਗੁਰਦੁਆਰਾ ਸੇਵਾਦਾਰ,ਪ੍ਰਚਾਰਕ ਜਾਂ ਪ੍ਰਬੰਧਕ ਵਿਦਵਾਨ, ਗੁਰਮਤਿ ਵਿਚ ਪੱਕੇ, ਉੱਚੇ-ਸੁੱਚੇ ਆਚਰਣ ਦੇ ਧਾਰਨੀ ਪੰਚਾਇਤੀ ਗੁਣਾਂ ਵਾਲੇ ਹੀ ਹੋਇਆ ਕਰਦੇ ਸਨ। ਸਮੇਂ ਦੀ ਗਰਦਿਸ਼ ਨੇ ਜੇ ਕਿਤੇ ਸਿੱਖੀ ਸਿਧਾਂਤਾਂ ਦੇ ਕਤਲ ਜਾਂ ਪਿਤਾ ਪੁਰਖੀ ਸੋਚ ਨੂੰ ਕਾਬਜ਼ ਕਰਵਾਉਣ ਲਈ ਸਿੱਖ ਵਿਰੋਧੀ ਤਾਕਤਾਂ ਨਾਲ ਮਿਲ ਕੇ ਗੁਰੂ-ਘਰਾਂ ਨੂੰ ਢਾਹ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਨ੍ਹਾਂ ਚੰਦੂ, ਜਹਾਂਗੀਰ, ਪ੍ਰਿਥੀ ਚੰਦ, ਚੰਦ, ਰਾਮਰਾਈਏ, ਧੀਰਮੱਲੀਏ, ਨਰੈਣੂ ਮਹੰਤਾਂ ਨੂੰ ਮੂੰਹ ਤੋੜਵਾਂ ਜਵਾਬ ਦੇਣ ਲਈ ਅਤੇ ਸਿੱਖੀ ਸਿਧਾਂਤਾਂ ਦੀ ਬਹਾਲੀ ਗੁਰੂ-ਘਰਾਂ ਦੀ ਸੇਵਾ ਸੰਭਾਲ ਤੇ ਪ੍ਰਚਾਰ ਪ੍ਰਸਾਰ ਬਹਾਲ ਰੱਖਣ ਲਈ ਬਾਬਾ ਬੁੱਢਾ ਜੀ ਅਤੇ ਭਾਈ ਗੁਰਦਾਸ ਜੀ ਵਰਗੇ ਗੁਰੂ ਦੇ